Палаш еш вар со. Сона моттар,
айса ю г1алаш эзар шера яхаргья.
Хетар -
т1ехьенна эшаргья.
Цудухьа буллар аз x1apa кхера
сай дег1а ц1ий техе, сай дега сийг белле, -
Кхера! -
моаст1аг1чунга аьле.
Ч1оаг1леяр аз сай замаг1а лийхар,
мотташ, из хилча - хургья сай Лоаме й1аьхий...
Лийрх1ар
хиннадац, ма йоахий.
Ч1оаг1ле-т1ехьле ца яйта шоана,
доадир маостаг1чо цхьан 1уйкъе са б1аргаса.
Шоана
е Хаьне ваьвар со.
Дуккха яр са уйлаш, т1о санна...
Хов сона, xlapa сага г1улакх - къа е маьл.
Сенна
ду аз х1анз е къамаьл!
|
|
Фу пайда ба! Малав сох кхета!
Ч1оаг1ле хилча - мукъле хургья, хетар сона.
Хета-м
дуккха а дар, - сенна!
Сенна хьехоргда-те мел хетар!
Дог довх цо сага, уйлашка лоац бутув ша.
Хатар
доацаш дахалда шо!
Накъаяьннай шоана-м са г1алаш.
Гу сона цар чу х1анз жамотт, доахан, вараш...
Халаш,
лай вацар уж яьраш.
Мукъле яр цо ха даьр вай лаьтта...
Из бахьан дехкар цо ахкенаш т1а ший дог.
Атта
вахара-м мукъленах хьог.
|
