| |
Даьй г1алаш,
даьй юрташ,
яздаьд аз
шун сурташ.
Сурт даь валар -
Сурт-т1аьх валар,
цхьан къоаночо
сога аьлар.
Из бакъ хиннад,
бакъ да вож а:
бакъдар дувце -
вац хьа воша.
Бакъдар дувце -
яц хьа нана,
цхьаь хургва хьо,
даьла санна.
Цхьаь я уйла,
цхьаь ба малх а.
|
|
Гени, велча
воал хьо малха.
Велча мара
яхац хьа ц1и -
ейча мара
ларх1ац вай ц1и.
Ейна ц1ераш -
г1алаш яьраш:
Г1айте Г1айри,
Яне Яраж...
Массехк ба уж! -
х1анз а т1ехьа
амаг1ъювлаш
эрга т1ехье...
Уж ба генеш.
Цар т1о санна,
дош дилла хар
дезар сона.
| |
