Фе 1имад ялац, садикъад.
Божа латт маша.
Наькъо юккъе да ахдаьккхад
малхара каша...

(Духьала воаг1ача устдаьх
б1арг ший кхийтача -
нейцо ахка чутессай, йоах,
укхаза алча...)

Готт а денна, к1ала г1олла
1арамхий дода.
Паьлингт1е (паьл-наькъа гола)
яг1а берда т1а.

Т1аккха- къух, т1аьръюкъ мо шаьра,
Г1алг1ай Бай оалаш.
1арамхий укхаза - шера, -
кхер со, т1ехвоалаш.

Теркаш да т1ий, ага санна,
1аддарг1а мо сетт...
Говр йоалл яжаш, йоашхаенна,
мерийт1а - к1ай сет.

Д1ахо - шувт1а - мангал хьокхаш -
ерда лаьттача - бераш доахк.
Чухийрцай хьуокхаш.
Ц1ийденнад тоачув.

Кулг-юхь дул аз 1арамхи чу.
Сурт дуллаш ваг1а.
Tloa сог.Т1аккха, цхьа юкъ яьлча,
долалу дог1а.

Т1оададу са каьхат, къоалам,
сурт а д1адоаду.
Чехклу, михьара доал 1арам...
Ч1ожа отт боадо.

Сиха сай х1амаш хьагулйий,
ц1енгахьа верз со.
Селе кхет сох: "Где здесь Гули?"
- яхаш, вираца.

Хьулахой 1у ва из, Шоана-
ч1ожара воаг1аш...
Бийса. Оалгат1а, борз санна,
ж1али да увг1аш.