| |
Чатекхадаьча Новкъа
г1олла бода бетта орг.
Б1аргагу Кхоког-седкъа -
села Сатий божаолг.
Ч1амаг1а чухьар - сигле.
г1инбухе леп Чухье Г1аьр.
Г1улан талг1еш - ингале,
хоз вайна цар хаьла г1ap.
Боса, Оздиге даг1а
вай шиъ - тхиро т1оададаь.
Ер я, езар, хьа даьхе,
даькъасте - хьа ворхх1е даь.
Укхазара хьежача
вайна гу (шолгоара топ
санна йола) лаккхача
лоам т1а яь Йижарий г1ап.
Йижарий хиннаб бахаш,
яхье яьннай, йоах, уж шиъ,
аз-аз хьалхаг1а, яхаш,
хьалъергья сай г1ала... Миъ!
Цхьатарра етта яьннай
1аьржача лоам т1а ши хьуокх.
Ши йиша хьалт1аяьннай
ши-ший г1алаш т1а, - уж хьог:
|
|
вахар г1оза ц1ей лерх1аш,
хоза хет царна шоай болх...
К1ала да д1аух морхаш.
- Хьа да тхо, ва дошо малх!
Ши кхокха хул йижарех,
лакха - сигала уж г1овтт,
Хьасташ хул, йоах, цар ларех,
шин г1алах хул, йоах, ши довт.
Х1анз а даг1аш да "довташ" -
хано 1олаь1а ши хьуокх...
Каст-кастта 1охувш цар т1а
сийна ши кхокха, - уж хьог:
вахар г1оза ц1ей лерх1аш,
хоза хет царна шоай болх...
К1ала да д1аух морхаш.
- Хьа да тхо, ва дошо малх!
Вай а да, езар, маьлха, -
хьажал, хьалбоалаш латт из!
Чхараш, оаш морхаш алха,
ека хьо, хурхала оаз!
Д1оахлургда вай шиъ маьлхе,
т1аккха - мерза тхъовсаргда.
Ага йиш лекхаш - лохе
дото Г1ула теркаргда.
| |
